موبيديك ألياس لموتشو

موبيديك ألياس لموتشو
هاد خونا ف الله بدا راپ من خلال ثقافة الهيپ هوپ لي عايشها 100%، عام 2000 بدا موبيديك الراپ بالفرنسية و بطريقة هاوية أي مجرد هواية بين صحابو، مي لي خلاه يدير الراپ ب الدارجة هو الكم الهائل ديال الأفكار و الثقافة لي عندو وابغي يوصلها للجمهور لي كذلك رحب بهاد الفنان ترحيب غير عادي بحيث قدر يكتسب حب الجمهور ف أعوام قليلة و الأهم هو أنه جنود خفاء 'الموتشو أرمي' لي عندهم الثقة الكاملة ف القدرات د يونس
موبيديك كان مع واحد الڭروپ سميتو La sekte و سجل بزاف دلي طراك منهوم
Ma clique et moi
Toucher pas à mon pays
Viens voir
Image vraie
Coup d'éclat
Le son des potes
5سنين من بعد الكتابة بالفرنسية قرر موبيديك يبدى الكتابة بالدارجة وقبل ما يحكم هاد الفن بطريقة جد غريبة لي تدارت أول مرة ف المغرب خرج موبيديك أول طراك ب الدارجة سميتو Toc Toc و لي كان سبب كبير ف الشهرة، 2006 كانت أحسن بداية ف الضومين و لي هي Boulvard لي خدا فيه موبيديك البلاصة اللولة و داكشي لي خلاه يكسب الجمهور، الذكاء ديال يونس خيالي بزاف بحيث مبغاش يبان فهاد الضومين بلا أساسيات لي هما جوج، لابل و ستوديو خاص بيه، كيفما كولشي عارف أكثر طراك ديال موبيديك كيدوي على القحاب و الشراب و الكماية و هادشي طبيعة الحال كيطلب من الجمهور يكون ديجا واعي بالزنقة و أش طاري فيها باش مايخدش وحد نظرة خاطئة علي العمل ديالو
قبل من أول ألبوم خرج موبيديك شلا طراك منهم
Ktaba habta Ktaba tal3a
Ana macharefch
Khassna n7emdou lah
Courirbane
Ta rial ...
مور هادشي خرج موبيديك أول ألبوم L'moutchou Family ف 2012 لي كان عندو طابع خاص بحيث كان عبارة عن فيلم مسموع و السيناريو طالع على الأسرة المغربية و التقاليد بطريقة نقدرو نقولو عليها كوميدية، من بعد ألبوم طلق الموتشو أول ميكستايپ سميتو Darss Khass 9abla l'album وثاني سميتو Darss Khass Ba3da l'album وفيه واحد الطراك روميكس مع Sefyu سميتو Turbo مسجل ف باريس ف ستوديو Ghuit ، تالت ميكستايپ سميتو Fast food تسجل ف 2014
من بعد النجاح لي حققو موبيديك و من بعد المرور ف بزاف من وسائل الإعلام قرر يفتح لابل Adghal records لي مختصة ف هاد النوع ديال الوسيقى باش يعاون الدراري لي عاد باديا ف هاد الفن يونس طالب الموتشو عندو شعبية كبيرة من الناحية د لي ماچزين و قدر حتا يحتل الأغلفة كتر من مرة و هادشي كامل بفضل الستيل المبدل لي داير
موبيديك ألياس لموتشو أقود شخصية فهاد الفن بحيث قدر يفرض ستييل خاص بيه لي عمرو دارو شي رابور مغربي و قدر يكسب جمهور كبير و هادشي خلانا نحترموه بزاف
منقول: ‪ Moroccan's Punchlines 
#‎MobydickRealStory‬